امتى اقول ع نفسي مصمم جرافيك شاطر ؟
احنا مبنقدمش حلول سحرية، احنا بنقولك نقط من خبرتنا وانت كمل الطريق ودور واجتهد ☺️💪
بص بقى 🤩
![](https://graphimedia548844302.wordpress.com/wp-content/uploads/2021/11/7-2.jpg?w=1024)
– انت مصمم، يعني بتعرف تشتغل ف كل مجالات التصميم يعني سواء العربيات، مطاعم، جيمنج وغيره.. بتشوف بعض التصميمات التانيه كتغذية بصرية وتحط mood أو theme للبراند Brand اللي بتشتغل عليه ع حسب ألوانه وهويته البصرية brand identity وانطلق.
– بس خلي بالك هنا في فرق بين انك تشتغل في كذا مجال وانك تبقى بتاع كله 😅
بص ع البوست ده علشان تفهم قصدي 👇
https://tinyurl.com/2w2mwk8m
– لما تلاقي نفسك سرعتك زادت، التصميم اللي كان بياخد منك ساعة بقي بياخد نص ساعة مثلا
– لما تلاقي شغلك بيتطور وبتعمل حاجات اقوي كل شويه، وتتحدي نفسك وتجرب tools جديدة وتعمل حاجة اعقد شويه زي الدمج manipulation أو 3d
– تبقى مصمم جرافيك شاطر كمان لما يكون تعاملك حلو سواء مع العملاء أو مع زملائك في المجال سواء اونلاين أو اوفلاين
– لما تبقى بتتعلم وتطور وتطبق كل شويه، متقولش م انا عارف ف هتفضل محلك سر
– هتبقى مصمم جرافيك شاطر لما متبخلش ع نفسك أنك تجمع مبلغ من شغلك تاخد بيه كورس هيفيدك في شغلك أو تجبلك تابلت مثلا تتعلم عليه أو جهاز اقوي علشان يستحمل معاك اكتر
– لما كمان تشارك المعلومات اللي تعرفها أو فايلات مثلا عندك انت حملتها وتديها لغيرك، هتفيده وتسهل عليه، الأدوات مش حكر لحد هو ممكن يجمعها زيك برضوا بس احنا بنسهل ع بعض، هتلاقي حد يساعدك بعدين 🤝
– هتكون مصمم جرافيك شاطر لما تاخد فكرة من Pinterest أو behance وتعلي عليها وتاخدها ف حته تانيه بتاعتك، متسرقهاش زي م هي، خليك ذكي، أسرق بفن Steal like an artist 😎
اعملوا اللي تقدورا عليه من النقط دي وبالتوفيق للجميع 💪
ولو عندكم اي نقط تانيه حابين تضيفوها قولولنا في الكومنتات 👇